هل نقول اللهم بلغنا رمضان ام مسلسلات رمضان دعوه للنقاش

    شاطر
    avatar
    زعيم الحب
    المدير العام
    المدير العام

    المساهمات : 384
    تاريخ التسجيل : 13/07/2008
    الموقع : http://elasdeqa7op.hooxs.com

    نقاش هل نقول اللهم بلغنا رمضان ام مسلسلات رمضان دعوه للنقاش

    مُساهمة من طرف زعيم الحب في الجمعة سبتمبر 05, 2008 8:04 am

    السلام عليكم ورحمة الله وبركاته
    مبروك على الجميع شهر الخير والرحمه
    وان شاء الله يبلغنا وياكم هذا الشهر ويعيننا على الطاعات ويكفينا المعاصي
    موضوعي اليوم دعوه للمناقشه
    هل صار رمضان عند المسلمين مجرد مسلسلات وفوازير وونسه وضحك ؟
    ام انه لايزال شهر تضاعف فيه الحسنات وتمحى فيه الذنوب وتعمر فيه المساجد ؟
    حقيقه اني حبيت اتناقش في هذا الموضوع لما شفت كميه المسلسلات اللي تضخ علينا اعلاناتها بالتلفزيون صحيح انه الانسان لازم ياخذ شويه راحه حتى يكون عنده القدره على القيام بالعبادات على اتم وجه بس تعالوا نحسبها سوه
    كم واحد منه فكر انه يشوف باب الحاره بما انه مسلسل ميتفوت واحنا تابعنا من البدايه
    كم واحد منه فكر بكم برنامج فوازيروتسليه
    ونلم شكم مسلسل بي يسرا على نور شريف على المميز يحيى الفخراني والمبدعه عبله كامل
    وانطينه كم برنامج عن الاطباق المميزه للبنات وكم برنامج على الرياضه للشباب
    على كم برنامج مسابقات نبقى نتصل بي لحد ميخلص رصيدنا واحنا محد سامع صوتنه
    هسه بيكم حيل تروحون للتراويح؟

    خلوا بالكم تره اني اتكلم عن نفسي مو تفكرون اني حالي افضل من القارئ
    بس اني احس انه بريق الشهر الفضيل صار بالبرامج والمسلسلات اكثر من العباده والطاعات
    خلونه نفكر كم مره نختم القرأن مو كم مسلسل راح نتابع
    خلونه نسوي جدول بالطاعات اللي ممكن نسويها بهذا الشهر وان شاء الله يضاعف الحسنات من عنده
    ها بيكم حيل لو خلونه ويا المسلسلات
    يله خلي نجرب نذكر بعضنا بالطاعات
    1. الصلاه على الوقت (خلي نكول اول نص ساعه)
    2. الصلاه في المسجد (حاول انه تكون في الصف الاول)
    3. تخصيص ورد من القرأن كل يوم (على الاقل جزء) بالمناسبه تره قراءه جزء من القرأن تستغرق 45 دقيقه وانتو بكيفكم تباعون مسلسل سخيف لو تجمعون بكل حرف 10 حسنات والله يضاعف لمن يشاء.
    4.زياره مريض
    5. صله الارحام
    6.ماعون زغير مال حلاوه لبيت الجيران (هذا بالنسبه النا البنات بس مو تدزين الحلاوه الممروده لو المحروكه خخخخخخخخ)
    يله ذكرونه بكم طاعه نكثر بيها كفه الحسنات ونصفر كفه السيئات
    خلوا نسوي هذا الجدول من هسه ونحاول كل يوم انه يكون رصيدنه اكثر من اليوم القبله بس اريد تساعدوني بأضافه حقول اخرى للجدول يعني اذا اليوم صلينه على الوقت النا نقطه بس باجر نحاول نصلي بالجامع حتى تصير نقطتين وبنهايه الشهر ان شاء الله نكون جمعنا احسن درجات بمعدل الاخره.

    احسن من ما نسوي جدول بالمسلسلات والبرامج الي راح تطلع بالتلفزيون
    صدكوا اني من الناس جنت اول يوم برمضان اشوف كل المسلسلات بالعرض الاول والاعاده بعدين اختار كم مسلسل واسوي جدول باوقات عرضه حتى متفوتني مسلسله وإذا ما لحكت على العرض والاعاده اخلي على اللسته وره رمضان
    يله كلنا نتهيئ للشهر الفضيل ونكول
    ( اللهم بلغنا رمضان ورزقنا فيه الرحمه والمغفره والعتق من النار)
    مو نكول اللهم بلغنا مسلسلات رمضان
    يله لتزعلون تابعولكم فد مسلسل او ثنين( مو اكثر)
    بس الله يستر وميبقى مهند ولميس على التلفزيون والا انعلست الحسنات كلها
    أسفه اذا طولت عليكم
    انتظر مشاركاتكم بالجدول
    وأسألكم الدعاء
    تحياتي
    زعيم الحب




    [size=21]يامن له سترُ عليَّ جميلُ

    هل لي اليك إذا إعتذرتُ قبولُ
    [/size]

      الوقت/التاريخ الآن هو الأحد نوفمبر 18, 2018 3:18 am